ABOUT USCF

USCF ni ushirika wa wanafunzi wa Kikristo wanaotoka katika makanisa wanachama wa jumuiya ya
kikristo Tanzania (CCT). Katika hatua za sekondari ushirika huu ulikuwa ukifahamika kama UKWATA. Katika chuo kikuu cha Dodoma (Udom), USCF iko katika ulezi wa CCT chini ya mchungaji wetu mpendwa Baba Timothy Erasto Chimeledya. Aidha kanisa letu la hapa Udom limekuwa katika vitivo vitano yaani, Elimu, Tiba, Informatics, Social sciences na Humanities. USCF CHAS ni moja kati ya hivyo vitivo ambapo kimefahamika zaidi kama kitivo cha tiba. Katika kitivo chetu cha tiba Uscf ilianzishwa mnamo mwaka 2011 chini ya mwenyekiti Ayoub Mtulo. Tangu wakati huo ushirika wetu umeendelea kuwalea wanachama kimwili na kiroho pamoja na kuhudumia jamii inayotuzunguka. Tumeendelea kutoa huduma kupitia watumishi wetu wanaokwenda kuhubiri katika makanisa na mikutano pamoja na uimbaji. Katika uimbaji tumekuwa na kwaya pamoja na vikundi binafsi ambavyo Mungu ameendelea kuwahudumia watu wake kupitia vipawa hivyo. Tunapenda kuwakaribisha watu wote ambao wanapenda kushirikiana nasi pasipo kujali tofauti za madhehebu ili tuweze kumtukuza Mungu pamoja. Msingi wa imani yetu ni wokovu aliotyuletea Mungu kupitia kwa mwanawe mpendwa Yesu Kristo, tunamwamini Mungu Baba Mwwnyezi, Tunamwamini mwanwawe wa pekee Yesu Kristo na Roho Mtakatifu aliye nafsi yangu Mungu. Amen.